Ä ganz normali Wuche

Ig bi d Elena Kaderli chume vo Dürreroth u mache mis Biudigsjahr Huuswirtschaft z Koppige bir Familie Christen.

Ig ha am Mäntig wi normalerwiis immer am Nüni ahgfange, meischtens fahni am Mäntig mit Wösch wäsche ah mache nere s z Mittag parat u am Nami häicheni d Wösch uf u de gats scho bau as z Nacht choche. Am Zistig hets du ahgfange schneiie. Am Namitag hani bide Staukombi d Riisverschlüss ahfah wächsle u aus Abwächslig bini miter Sira (Hund) dusse ga Schnebäuele u ha no e Schneema boue. Woni de s zNacht ha kochet hani no ar Lehrndokumentation ahgfange. Der Mittwuch isch bi üs immer de Schueutag u somit bini der ganz Tag ir Schueu gsi. Am Abe bini miter Schueukollegin no ga Chleider iichoufe u schlussändlech widr ufe Betrib zrugg. Am Donnstig bini näbschtem Choche vorauem miter trochnige Wösch beschäftigt gsi. Am Friti isch normalerwiis de Putztag woni mis u s Bad vo de Lehrlinge due putze plus de Nassrum und d Stube. Doch a däm Friti hani nur mis Bad putzt derfür hani miter Rosmarie bim Mäuchroboter no e Muur gstriche u nam Mittag no fertig Chuchi gmacht u s Bad putz u de hani nere döfe hei gah.